Takk til Tora - NM-dronninga på Voss 2014!

Tora takka for seg med stafettgull, og reiser heim til Lejsa med tre gull og ein sylv! Ann Kristin fekk med seg ein NM-medalje - med stafettbronsen til Hordaland. Kjekk avslutning for dei to som no legg opp. Me takkar for alt dei har gjeve oss av spenning og opplevingar som skiskyttarar i verdstoppen! Vår nye superstjerne, Johannes TB, var NM-konge før stafetten, men toppa det heile med sin tredje gullmedalje, stafettgull for Sogn og Fjordane.

 

Ei flott NM-veke i Voss Ski- og tursenter vart avslutta med stafettar i strålande solskin i dag. 15 lag stiltertil start på kvinnestafetten, medan det var heile28 lag i mennene sin klasse.

Tora Berger avsluttar eit strålande NM som siste kvinne ut på Nord-Østerdal SSK sitt 1. lag. Ann-Kristin Aafedt Flatland får endeleg gå eit NM-løp. Ho har hoppa over fylkesgrensa og går midtetappen for Hordaland SSK sitt 1. lag. Der avsluttar Jori Mørkve på sisteetappen.

Kongepokalvinnar Kristoffer Langøien Skjelvik går fjerdeetappen for Nord-Østerdal SSK sitt 1. lag. Der møter han mellom andre Johannes Thingnes Bø (Sogn og Fjordane SSK), Vetle Sjåstad Christiansen (Buskerud SSK 1), Henrik L'Abee Lund (Oslo og Akershus SSK 1)og Erling Aalvik (Hordaland SSK 1).

BilderBakgrunn